|
|
You Are at : Main Categories  Only In Jamaica |
 |
|
|
|
|
|
|
Lovindeer's Song For The Crashed AA Flt 331
By now you must have heard about the spectacular arrival of American Airlines flight 331 which ended up in three pieces on the sand of the Port Royal road. Here is a song that was written for humorous Jamaican artiste, Lovindeer, as a tribute to those who survived the plane crash.
Me was a man on flight three three one
when de plane drop down me bawl out "sometin’ wrong!"
It tek up a skid an the brakes mussa fail,
or the tire cudda puncture from some old nail.
We reach right to de sea, me nearly haffi swim,
but me jump out pon ground - only scrape-up me shin.
Air Jamaica lan a night an nevva do me dis way,
If you tek American plane mek sure dem lan inna day.
Me go back out dere jus to look at the wreck,
me dyam lucky seh me nevea bruk me neck.
Cause the plane bruk fe him own.. Go out dere and see.
Wing pop off, big tail bus; look like plane not tuff like me!
But the customs man dem tuffer dan me,
Dem call us all from the beach by the sea.
"You tink you can go home just like dat?
we going to check yu - from yu toe to yu hat.
Yu have han luggage? open every piece!
All this evasion; it all haffi cease..
Yu tink cause yu crash yu can tek up an dash?
yu can't pass tru widout pay some cash."
An immigration man seh: "whey yu passport dey?
Yu drop it pon de beach? A what yu a seh?
Yu can bawl all yu like; yu can weep and wail,
if you can't find yu papers yu goin to de jail!
Still me glad me reach back a old Jamdown,
me nearly drop inna ocean but ME nevva drown.
Only I man countryman gimme hardtime,
but me used to that. It happen everytime!
|
|
|
|
|
|
|
|
| |
|
